É un concurso literario dunha entrevista interxeracional, sendo o alumno ou alumna o que plantexe as preguntas a unha persoa de maior idade, por exemplo neto/a a un avó ou avoa e coa temática  das feiras e mercados tradicionais que había en Galicia. De xeito que a persoa entrevistada explique aspectos relacionados co desenvolvemento deste tipo de mercados e o modo de vida en xeral de antano. Poderán participar todo o alumnado da ESO de Galicia e terá que ser en galego, anónimo e inédito.

Os premios consistirán en agasallos por valor de 500€, 300€ e 200€ os tres primeiros clasificados. O centro do gañador acadará como galardón un vale para unha saída didáctica ao Mosteiro de Carboeiro e ao Museo do Campo e a Mecanización, en Silleda. Ao centro do segundo clasificado entregaráselle un vale para unha visita guiada ao Museo Etnográfico Casa do Patrón de Codeseda (Lalín), cun obradoiro de cerámica prehistórica. Ao centro do terceiro clasificado daráselle un vale para a entrada ao Museo do Mel O Enredo do Abelleiro en Portodemouros (Arzúa), cun obradoiro. En tódolos casos cun máximo de 30 alumnos para gozar no vindeiro curso lectivo.

A entrega de premios farase no certame da  48ª Feira Internacional Semana Verde. Neses días tamén se pretende facer no Museo do Campo e a Mecanización unha exposición de fotografías antigas das feiras de Galicia en especial da Semana Verde.